Эйсмант, Маркаў і Жук пра адмену мітынгу за Лукашэнку: Справядлівае, мудрае і адказнае рашэнне — @nashaniva

Эксперты «Клуба рэдактараў» ва ўнісон падтрымалі адмену мітынга за Аляксандра Лукашэнку. Адчувалася, што яны заўсёды мелі такую пазіцыю і цяпер скарысталіся магчымасцю яе агучыць.

Іван Эйсмант: Справядлівае рашэнне.

Вадзім Баравік: Мудрае рашэнне. Мы ставім на пярэдні план жыццё чалавека. Калі ёсць рызыка падвергнуць нашых грамадзян любой небяспецы, лепш гэта папярэдзіць.

Дзмітрый Жук: Гэта рашэнне перадусім у інтарэсах людзей. Для ўлады было б крута паказаць 200-250 тысяч — глядзіце, заткніцеся нарэшце, перастаньце бударажыць людзей. Але ўлада адрозніваецца ад любых іншых рэчаў адказнасцю за свае рашэнні і дзеянні.

Марат Маркаў: Сапраўдны палітык, тым больш які кіруе дзяржавай, у першую чаргу клапоціцца аб грамадзянах. Вы хоць раз чулі заяву ад альтэрнатыўнага палітыка, што ў нядзелю выходзіць не трэба, таму што каранавірус?

Муж Ліліі Уласавай Уладзімір Іскарцаў расказаў @nashaniva, як праходзіў яе "хатні арышт":
https://nashaniva.by/?c=ar&i=261227

Святлана Ціханоўская ўзяла ўдзел у Маршы беларусаў Даніі.

У Брэсце вядомы архітэктар Віктар Бабрук атрымаў трэці раз па 15 сутак. Такі вердыкт вынес суддзя Аляксандр Семянчук. Такім чынам, немалады чалавек правядзе за кратамі як мінімум 45 дзён, піша брэсцкі канал @kotragachuka.

Гэты прысуд, як і пасадка двух вядомых журналістаў, Хлябца і Чмеля, выклікаў бурную рэакцыю мясцовай грамадскасці.

У Брэсце і вобласці пратэсты супраць фальсіфікацыі выбараў былі самымі бурнымі ў краіне. Сутычкі з міліцыяй мелі месца як у Брэсце, так і ў Пінску, Кобрыне, Баранавічах.

У турмах вобласці знаходзяцца не менш за 26 палітвязняў, арыштаваных па крымінальных справах. Яшчэ двое, грамадскія лідары Кабанаў і Пятрухін, схопленыя задоўга да выбараў, утрымліваюцца ў Мінску.

@nashaniva

У Мінску ўрачыста ўручылі чарговыя званні супрацоўнікам сталічнай міліцыі.

А таксама ўзнагародзілі знакам "За заслугі" трох дзяржаўных журналістаў, якія робяць рэпартажы з акцый пратэсту.

Гэта Ксенія Лебедзева з БТ (яна на фота), Людміла Гладкая з СБ (убачыла на адной нядзельнай акцыі ўсяго 600 чалавек) і Андрэй Аляксандраў (сапраўднае прозвішча Козел) з АНТ

Чытайце таксама: Хто такая Ксенія Лебедзева, якая асвятляе жаночыя маршы для БТ